Xalqın gözü zərrəbin, səbri ümmandır…
* * *
Ümidsizlik – arzuları tədrici iflic edən azardır.
* * *
Nəciblik, fədakarlıq da istedad kimi fitri sərvətdir.
* * *
Ətalətlə yoxsulluq qardaşdır.
* * *
Günəş soyuyanda yarpaqlar xəzəl olur, ürək soyuyanda fikirlər.
* * *
Hər insanın beş duyğu üzvü var, sənətkarın isə bütün
toxumaları duymaq qabiliyyətinə malikdir.
* * *
Məhəbbətin təbiət kimi çiçəkli, xəzanlı, şaxtalı, quraqlı,
bəhərli, bəhərsiz fəsilləri olur. Ən uğurlu məhəbbət bəhər fəsilli məhəbbətdir.
* * *
Bədxah adamın ürəyi qaranlıq gecəyə oxşayır.
Qaranlıqda yol axtaran uçuruma düşə bilər.
* * *
Paxılın gözü həmişə qonşuda olur.
* * *
Ən dəhşətli şikəstlik – mənəvi şikəstlik, ən çətin
yoxsulluq – fikir yoxsulluğudur.
* * *
İnamsız, idealsız adam qanadı kəsilmiş quşa oxşayır, o,
yüksəklərə qalxa bilmədiyi üçün öz məhdud düşüncə dairəsindən çıxa bilmir.
* * *
Kişisiz vətəni düşmən ayaqlar.
* * *
Hər doğulan oğuldan kişi olmur.
* * *
İşsiz adamın saqqızı qiybət olur.
* * *
Kiminin adı çıxır, kiminin odu.
* * *
Kimi əməklə yüksəlir, kimi köməklə,
* * *
Pulun itsin, yolun itməsin.
* * *
Ürək- körpə uşaqdır,
Ağıl-ana.
Bu ana öz uşağını həmişə oddan qoruyur.
* * *
Payızda çiçəkləyən ağacın meyvəsi olmur.
* * *
Kədər də ömür kimi qocalır.
* * *
Fəaliyyətsiz şəxsin əli işləmir, dili işləyir.
* * *
Böhtan zəli kimi qani sorub doymamış insanı tərk etmir.
* * *
Yaradan insanın iki ömrü var: biri torpağa qarışır, o biri
dünyada əbədi qanad çalır.
* * *
İnsanın ömrü məhəbbət torpağı üzərində göyərir: Vətən
məhəbbəti, ana məhəbbəti, övlad məhəbbəti, sevdiyin
bir insanın məhəbbəti.
* * *
Məhəbbət çirkinləri də gözəl göstərmək qüvvəsinə
malikdir.
* * *
Mənəvi ölüm ölümlərin ən dəhşətlisidir.
* * *
Balasını ağladıb, anasını güldürmək istəyən adam
müstəbiddir.
* * *
Məhəbbət olmayan ürəkdə həsrət olmaz,
* * *
Çıraq yana-yana işıq saçır, insan yarada-yarada,
* * *
Aldadan, aldanandan çox xəcildir,
* * *
Sənə qərəzli olan adamla bir yerdə yaşamaq tədrici ölüm deməkdir
* * *
Qəddarlıqla məhəbbət bir yerə sığışa bilməz.
* * *
Qətiyyətsizlik əsarətlə qardaşdır.
* * *
Yüngül adamların məhəbbəti də, nifrəti də «uçağan» adlı
çiçəyə oxşayır: üfürsən, uçacaq, əlində tozu qalacaq.
* * *
Çiçəklər günəşsiz, insanlar məhəbbətsiz yaşaya bilməzlər.
* * *
İnamsız, etiqadsız adam dən tutmamış sünbülə oxşayır.
* * *
İnamlı şəxsin inamsız şəxslə bir yerdə yaşamağı işgəncələrin ən dəhşətlisidir.
* * *
Məhəbbət bizimlə qoşa doğulur.
* * *
Başında varlanmaq havası olanlar xalq içində az ömür olurlar.
* * *
Məhəbbət körpə nəfəsi kimi saf olmalıdır.
* * *
Məhəbbətin qapısı ötəri duyğulara bağlıdır.
* * *
Məhəbbət sədaqətlə qardaşdır.
* * *
Övlad var, çıraq yandırar,
Övlad var, məşəl söndürər.
* * *
İsrafçı öz ömrünü xərcləyir.
* * *
Öz xalqını sevməyən adam başqa xalqların
sevimlisi ola bilməz.
* * *
Qocaların xatirələri gənclərin eşqi kimi alovlu olur.
* * *
Qocalar bilir ki, gənc olmayacaq,
Gənclər elə bilir, qocalmayacaq.
* * *
Dünyada əbədi, ülvi bir məhəbbət var: o, ana məhəbbətidir.
* * *
Ata-ana ocağını söndürən şəxsdən vətəndaş ola bilməz.
* * *
Vəzifə məhək daşıdır. İnsanların kamilliyi, naqisliyi burda sinanır.
* * *
İnsanın ilk qiymətini ata-anası verir, burada yaxşı qiymət
ala bilməyənlər xalqın hörmətini qazana bilməzlər.
* * *
Sənətini sevməyən adamın ürəyi çiçəksiz torpağa
oxşayır. Onun gözü həmişə özgə torpağında açan
çiçəklərdə olur.
* * *
İstedadsızlar istedadlıların qənimidir.
* * *
İstedad torpağa oxşayır, gərək həmişə onun qullugunda durasan.
* * *
İnsan harada təklik hiss edirsə, o yer onun üçün qürbətdir.
* * *
Xəyanət sirin dilli olur,
* * *
Ceyran qaçısından, durna uçuşundan tanınır.
* * *
Saf olmayan su içilmir.
* * *
Bos torpaqda quyu qazmırlar.
* * *
Bülbül səsindən qəfəsə düşür.
* * *
Qorxağın qəddi həmişə bükülü olur.
* * *
Bir gününü sevinclə yaşayan kefcil, illərin kədərilə ağlayır.