FİRUDİN BƏY KÖÇƏRLİYƏ
Başına tuşlanan düşmən xəncəri
Xalqının qəlbinə tuşlandı sənin.
Bu müdhiş ölümün acı xəbəri
Sağalmaz dərdidir bizim vətənin.
Sinəmiz ocaqdır, sönmür məşəli,
Yandıqca gur yanıb, yandırır bizi.
O xəncər vuranın qurusun əli!
illər var göynədir ürəyimizi…
O müqəddəs qanın tökülən yerə
Ruhlar hər zaman səcdəyə gəlir…
Dözməyib şair də bu bəd xəbərə,
Gündə neçə dəfə dirilir, ölür.
1954